Qyzylordada shalǵaıdaǵy aýyl turǵyndary úshin erekshe jármeńke ótti
QYZYLORDA. QazAqparat - Búgin Qyzylordada tuńǵysh ret memlekettik kórsetiletin qyzmetter jármeńkesi uıymdastyryldy. Bul shara eń aldymen aımaqtaǵy shalǵaı aýyldarda turatyn halyqqa barlyq memlekettik qyzmetti bir jerden alýǵa múmkindik berdi, dep habarlaıdy QazAqparat tilshisi oblystyq Memlekettik qyzmet isteri jáne sybaılas jemqorlyqqa qarsy is-qımyl departamentine silteme jasap.
Jármeńkeniń ashylý saltanatynda Departament basshysy Abzal Muhımov memlekettik kórsetiletin qyzmetter halyqqa sapaly jáne qoljetimdi túrde iske asyrylý keregin erekshe atap ótti. «Sondyqtan da búgin jármeńkege halyqtyń suranysy joǵary jer, bilim, turǵyn úı, kóshi-qon sııaqty salalar boıynsha qyzmet kórsetetin ýákiletti organdardy qatystyryp otyrmyz. Bul shara aldaǵy ýaqytta da jalǵasyn tabady», - dedi ol.
Aıta keteıik, sharaǵa 200-ge jýyq turǵyn kelip, qajetti qyzmetter men keńes aldy.
