Qyzylordada Shahmardan Esenovtiń 90 jyldyq mereıtoıy atalyp ótedi
QYZYLORDA. QazAqparat - 20-21 qazan kúnderi Qyzylordada qazaqtyń dańqty ǵalymy Shahmardan Esenovtiń týǵanyna 90 jyl tolýyna arnalǵan is-sharalar bastalady, dep habarlady QazAqparat tilshisi.
Shara ǵalymnyń bıýstine gúl shoqtaryn qoıý rásimimen bastaý alady. Osy kúni Qorqyt Ata atyndaǵy Qyzylorda memlekettik ýnıversıtetinde Shahmardan Esenovtiń 90 jyldyǵyna arnalǵan "Qazaqstannyń ken resýrstary: ıgerilýi, damý barysy men bolashaǵy" atty respýblıkalyq ǵylymı-tájirıbelik konferentsııa men derekti fılmniń kórsetilimi ótedi. Sondaı-aq Á. Tájibaev atyndaǵy ortalyq kitaphanada ǵalymnyń ómir joly men eńbekterine arnalǵan "Ónegeli ómir" jáne "Shahmardan" kitaptarynyń tusaýkeseri bolady.
Erteń mereıtoı Sh. Esenovtiń týǵan jeri Shıeli aýdany Tartoǵaı aýylynda jalǵasady. Ǵalym atyndaǵy mektep aldyna ornatylǵan bıýstiniń lentasy qıylady. Túrli mádenı sharalarmen birge qazaq kúresinen balýandar baq synaıdy. Elimizge belgili aqyndardyń qatysýmen aıtys ótedi. Kúndi estrada juldyzdarynyń qatysýmen ótetin gala-kontsert qorytyndylaıdy.
foto: voxpopuli.kz
