Qyzylordada shaǵyn kásipkerlik nysandarynyń sany artty

QYZYLORDA. QazAqparat - Qyzylorda qalasynda ekonomıkalyq turǵyda birqatar kórsetkishter boıynsha ósý tendentsııasy baıqalady, - dep habarlaıdy QazAqparat tilshisi.

Bıylǵy jyldyń 8 aıynda oblys ortalyǵyndaǵy áleýmettik-ekonomıkalyq damý qorytyndysy boıynsha oń ózgerister qalyptasty. Nátıjesinde ekonomıkalyq turǵydan qalada turaqty jaǵdaı kórinis berdi.

«Bıyl qańtar-tamyz aılarynda ónerkásip ónimderiniń óndiris kólemi 326 971 mln. teńgeni qurady. Bul ótken jyldyń sáıkes kezeńimen salystyrǵanda 85,4 paıyzǵa jetti. Óńdeýshi ónerkásip salasynynyń kórsetkishi tolyqtaı oryndalsa, aýyl sharýashylyǵy ónimderiniń jalpy óniminiń ındeksi 2,9 paıyzǵa artyq boldy. Al bólshek saýda kóleminde oń ózgeris baıqalsa, shaǵyn kásipkerlik sýbektileriniń sanynda ósim bar. Paıdalanýǵa berilgen turǵyn úılerdiń jalpy aýdany 244 429 sharshy metrdi qurady», - dedi Qyzylorda qalalyq ekonomıka jáne bıýdjettik josparlaý bóliminiń basshysy Gúlnar Baımahanova.

Sondaı-aq, Qyzylordada «Dárigerler alleıasy» ashylady.