Qyzylordada shaǵyn avtobýs órtenip ketti
QYZYLORDA. QazAqparat - Qyzylordada jeńil avtokólik tolyǵymen órtenip ketti, dep habarlaıdy QazAqparat tilshisi.
Oqıǵa búgin, 15 aqpanda jergilikti ýaqytpen saǵat 18.10 shamasynda boldy. Oblys ortalyǵynda ornalasqan Qorqyt ata kóshesiniń boıyndaǵy temirjoldyń astynan ótetin kópir mańynda shaǵyn avtobýs órtengen.
«Oqıǵa ornyna № 2 mamandandyrylǵan órt sóndirý bóliminen 1 tehnıka 5 qyzmetker bardy. Mamandar barǵan sátte «Mitsubishi» mıkroavtobýsy janyp jatqan. Onda mingen jolaýshylardyń barlyǵy aman. Órt 18:18-de sóndirildi», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.
Sondaı-aq, budan buryn Qyzylordada Reseıge ketip bara jatqan júk kóligi tolyq órtenip ketti.
