Qyzylordada «Seıhýn» ınfektsııalyq statsıonary sońǵy naýqasty úıine shyǵardy

QYZYLORDA. QazAqparat - Qyzylorda oblysynda 500 orynǵa laıyqtalǵan «Seıhýn» ınfektsııalyq statsıonary sońǵy naýqasty úıine shyǵardy, dep habarlaıdy QazAqparat tilshisi.

Aıta ketsek, oblys ortalyǵynda epıdahýal ýshyqqanda «Seıhýn» ınfektsııalyq statsıonary qaıta jasaqtalyp, indetpen kúreste belsendi jumys atqarǵan bolatyn. Statsıonar 30 shilde kúni 500 orynǵa laıyqtalyp ashyldy.

«Eki aptadan astam ýaqytta koronavırýs indetine shaldyqqan 200-ge jýyq naýqasqa em-dom sharalary kórsetildi. Oǵan oblystyq psıhıkalyq densaýlyq ortalyǵynyń 70 qyzmetkeri statsıonar jumysyna jumyldyryldy. Bıyl koronavırýs indeti jas azamattardan kóp anyqtaldy. Ásirese, ekpe qabyldamaǵan qyzylordalyq azamattar aýyr jaǵdaıda ortalyqqa jetkizilip jatty. ıAǵnı, bul rette árbir azamat óziniń densaýlyǵy úshin vaktsına saldyrý qajet ekenin eske salǵymyz keledi. Ekpe qabyldaǵan adamnyń aǵzasy indetpen kúresýge qaýqarly. Burynǵy beımaral ómirimizge oralý úshin mamandardyń keńesine qulaq asyp, ekpe alýǵa shaqyramyn. Qazir ekpeniń jetkilikti qory da, tańdaý múmkindigi de bar»,- dedi oblystyq psıhıkalyq densaýlyq ortalyǵy dırektorynyń orynbasary Aman Tursynov.

Eske salsaq, Qyzylorda oblysynda ekpe qabyldaýǵa qabiletti turǵyndardyń 65,9%-y vaktsına saldyrdy.