Qyzylordada serozdy menıngıt tirkeldi
Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetine súıensek, jyl basynan beri Qyzylorda qalasynda serozdy menıngıttiń alǵashqy dıagnozymen 17 jaǵdaı tirkelgen.
Bul derek boıynsha 8 jaǵdaıda dıagnoz aýrýdyń klınıkalyq belgileri negizinde naqtylandy. Naýqastardyń 92,8 paıyzyn 14 jasqa deıingi balalar.
«Epıdemıolgııalyq maýsym sanalatyn jaz mezgilinde atalmysh dertpen baılanysty 1 oqıǵa oryn alǵan bolsa, qyrkúıek aıynyń basynan beri soǵan baılanysty 8 jaǵdaı kezdesti. Olardyń 7-ýi balalar. Atap aıtqanda, bul jaǵdaılar Qyzylorda qalasyndaǵy №271, 10, 217, 144, 215, 261 jáne Jalaǵash aýdany, Buqarbaı batyr aýylyndaǵy №33 mektepte oryn aldy. Bul jaǵdaıdy baǵamdaı otyryp olardyń toptasqan túrde tirkelmegenin ańǵarýǵa bolady. Ol jalpy sıpatty túrde qalyptasa qoıǵan joq. Sondyqtan oǵan abyrjýǵa eshbir negiz joq», - dedi Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departaentiniń baspasóz hatshysy Aıman Janahaeva.
Mamandardyń aıtýynsha, jalpy serozdy menıngıt qozdyrǵyshy 80 paıyzy qorshaǵan ortada jıi kezdesetin výrýstar bolyp tabylady. Ol enterovırýs, tumaý vırýsy, tsıtomegalovırýs, adenovırýs, paramıksovırýs, sırek jaǵdaıda kezdesetin polıomıelıt vırýsy jáne qyzylsha vırýsy da bolýy múmkin. Serozdy menıngıt aýrýy der kezinde dárigerge kórinip, tıisti emdik sharalaryn júrgizgen naýqas asqynýsyz saýyǵyp ketedi.