Qyzylordada sekseýil aǵashyn zańsyz kesken azamatqa qatysty is qozǵaldy

ASTANA. QazAqparat - Qyzylorda oblysynda sekseýil aǵashyn zańsyz kesip, alyp bara jatqan azamat ustaldy, dep habarlaıdy QR Aýyl sharýashylyǵy mınıstrliginiń baspasóz qyzmetine silteme jasap.

Baspasóz málimetterine qaraǵanda, Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasynyń bas mamandary Jalaǵash AІІB-niń Tabıǵat qorǵaý polıtsııa tobynyń aǵa ınspektory jáne «Jalaǵash orman jáne janýarlar dúnıesin qorǵaý jónindegi» KMM-siniń ınspektory birlesken reıdtik sharalar barysynda, Qyzylorda oblysynyń Jalaǵash aýdanynyń aýmaǵynda kesýge tyıym salynǵan sekseýil aǵashyn zańsyz kesý deregin anyqtaǵan.

Tekserý barysynda Jalaǵash aýdany Aqaryq aýylynyń turǵyny GAZ-53 avtokóligine sekseýil aǵashyn tıep kele jatyp ustaldy.

Atalmysh fakti boıynsha, Jalaǵash AІІB-ge tirkelip, QR QK-niń 340-babymen qylmystyq is qozǵaldy.