Qyzylordada saılaýǵa túsip jatqan eń jas jáne eń egde úmitkerdiń jasy qanshada

QYZYLORDA. QazAqparat - Qyzylorda oblysynda 522 azamat QR Parlamenti Májilisi men jergilikti máslıhattarǵa kandıdat retinde tirkeldi, dep habarlaıdy QazAqparat tilshisi.

Parlament Májilisine usynylǵan 15 kandıdattyń altaýy ózin-ózi, bireýi qoǵamdyq birlestikten, úsheýi partııa tarapynan usynyldy.

Nátıjesinde 2 azamat óz ótinishi negizinde qujattaryn tirkeýden bas tartsa, 3-i azamat talapqa sáıkes qujattaryn tapsyrǵan joq.

«Oblystyq máslıhatqa barlyǵy 115 azamat tirkeldi. Onyń ishinde birmandattyq negizde 49, partııalyq tizimmen 66 kandıdatqa tirkeý kýáligi berildi. Qalalyq máslıhatqa 82, aýdandyq máslıhatqa 315 azamat tirkeldi. Ortasha alǵanda bir mandatqa 3,3 adamnan keledi. Eń úlken báseke tórt okrýgte 5 adamnan bolyp tur. Onyń 1-i Aral, 3-i Jańaqorǵan aýdanynda esepke alynǵan. Tirkelgen kandıdattardyń 378-i er, 68-i áıel. Eń jas kandıdat 2001 jylǵy bolsa, eń eresegi - 1957 jylǵy turǵyn», - dedi oblystyq saılaý komıssııasynan.

Olardyń málimetinshe, óz ótinishi negizinde 57 úmitker qujatyn keri qaıtaryp alǵan.

Onyń ishinde 2-i Májilis, 9-y oblystyq, 46-y qalalyq jáne aýdandyq máslıhatqa úmitker bolǵan edi.

Eske salsaq, Qyzylorda oblysynda daýys berýshi 492 443 azamattyń tizimi jasaldy.