Qyzylordada saıası qýǵyn-súrgin qurbandaryn eske alý sharasy ótti
Sharada oblys ákimi Qyrymbek Kósherbaev mıllıondaǵan jazyqsyz jannyń ómirin qıǵan zulmat jyldardy eske aldy. Olardyń biri - 30-shy jyldardaǵy saıası qýǵyn-súrgin men asharshylyq.
«Bir ǵana Qyzylorda oblysynda barlyǵy 81 baı, 10 920 iri qara, 47 299 usaq mal tárkilenipti. Muraǵat qoryndaǵy oblystyq prokýratýranyń 1937-1938 jyldardaǵy qupııasyzdandyrylǵan qujattardaǵy derekteri boıynsha NKVD úshtik sotymen 1937-1938 jyldary halyq jaýy degen jalamen 314 adamdy, onyń 110-y partııa qatarynan sottalyp jazalanǵan eken. Tarıhshylardyń baǵalaýynsha, odaq boıynsha 1927-1953 jyldary 60 mıllıon adam, onyń ishinde Qazaqstan boıynsha 103 myń adam qýǵyn-súrginge ushyraǵan. Olardyń 25 myńy atyldy», - dedi aımaq basshysy.
Mıtıngide qurbandardy eske alý maqsatymen bir mınýttyq únsizdik jarııalanyp, eskertkishke gúl shoqtary qoıyldy.
Sondaı-aq, keshke N.Bekejanov atyndaǵy oblystyq qazaq mýzykalyq-drama teatrynda dramatýrg, Qazaqstannyń eńbek sińirgen qaıratkeri, Halyqaralyq Sh.Aıtmatov akademııasynyń akademıgi Rahymjan Otarbaevtyń «Narkom Júrgenov» spektakliniń qoıylymy ótedi. Spektakl «Temir narkomnyń» ómiri, qazaq halqynyń aǵartý isine baǵyttalǵan eńbegi týraly baıandaıdy.
Ádiljan Úmbet
