Qyzylordada saýnalardyń birinen zańsyz oıynhana anyqtaldy
QYZYLORDA. QazAqparat - Qyzylorda oblysy boıynsha memlekettik kirister departamentiniń Ekonomıkalyq tergeý qyzmeti júrgizgen jedel-izdestirý sharalary nátıjesinde, zańsyz oıyn orny anyqtaldy, dep habarlady QazAqparat tilshisi departamentke silteme jasap.
Departamenttiń bas mamany Baqyt Ordanovanyń aıtýynsha, kazıno Qyzylorda qalasynyń saýnalarynyń birinen tabylǵan. Tekserý nátıjesinde onda 532000 teńge, 600 AQSh dollary, poker ústeli men fıshkalar jáne oıyn kartasy aınalymnan alyndy.
Búginde atalǵan fakt negizinde qylmystyq is qozǵalyp, zańsyz oıyn bıznesin uıymdastyrýshylardy qylmystyq jaýapkershilikke, sol jerde bolǵan oıynshylardy ákimshilik jaýapkershilikke tartý týraly tergeý áreketteri júrgizilýde.
