Qyzylordada sambodan jasóspirimder arasyndaǵy el birinshiligi máresine jetti
QYZYLORDA. QazAqparat - Qyzylorda qalasynda sambodan 2003-2004 jyldary dúnıege kelgen jasóspirimder arasynda Qazaqstan chempıonaty máresine jetti, dep habarlaıdy QazAqparat tilshisi.
El birinshiligi Qazaqstan Táýelsizdiginiń 30 jyldyǵyna oraı uıymdastyryldy. Oǵan Nur-Sultan, Almaty, Shymkent qalalary jáne barlyq oblystan (Soltústik Qazaqstannan ózge) sportshylar qatysty.
Qyzylorda oblysynyń samboshylary jalpy komandalyq esepte aldyńǵy shepten kórindi. Uldar quramasy 3 altyn, 1 kúmis, 3 qola medalmen kósh bastasa, qyzdar quramasy 2 altyn, 4 kúmis, 6 qola medalmen ekinshi orynǵa ıe boldy.
Jalpy komandalyq esepte uldar arasynda Túrkistan jáne Jambyl oblystary ekinshi jáne úshinshi oryndardy ózara bólisti. Al qyzdarda Almaty oblysynyń samboshylary birinshi oryn alsa, túrkistandyq sportshylar úzdik úshtikti túıindedi.
