Qyzylordada salyq tóleýden qasaqana jaltarý deregi azaımaı otyr
Qyzylorda oblysynda memlekettik satyp alý sheńberinde 13,8 mlrd teńge qarjy ıgergen 18 kásiporynnyń salyqtan jaltarǵany anyqtaldy. Ol salyqtyq kameraldyq baqylaý arqyly belgili boldy.
«Nátıjesinde 14 salyq tóleýshi 159,8 mln teńgege qosymsha salyq esebin tapsyryp, ol bıýdjetke óndirildi. Sondaı-aq, kúmándi, jalǵan kásipkerlik belgisi bar fırmalarmen ózara esep aıyrysqan 4 kásiporynǵa salyqtyq tekserý júrgizildi. Sol arqyly 88,1 mln teńge qosymsha esepteldi jáne memleket qorjynyna óndirildi. Árıne, bul baǵyttaǵy jumystar jalǵasyn tabady jáne memlekettiń qarjysy qatań baqylaýda», - dep málim etti Qyzylorda oblystyq memlekettik kirister departamentinen.
Memlekettik kiris organdary quqyq buzýshylyqtyń deńgeıi joǵary aımaqtarǵa nazar salyp keledi. Nátıjesinde salyqty erikti túrde tóleýge qol jetkizýdi kózdep otyr.
