Qyzylordada sábıdi parafınmen kúıdirip alǵan massajıstiń ústinen qylmystyq is qozǵaldy

QYZYLORDA. QazAqparat – Qyzylorda qalasynda sábıdi parafınmen kúıdirgen massajıst áıelge qatysty qylmystyq is qozǵaldy, dep habarlaıdy QazAqparat tilshisi.

Bul oqıǵa jóninde áleýmettik jeli betterinde jarııalandy. Onda massajıst áıeldiń sábıdi parafınmen kúıdirip qoıǵany aıtylady. Bala úshinshi dárejeli kúıik alyp, aýrýhanaǵa jatqyzylǵan.

Qyzylorda qalalyq polıtsııa basqarmasy atalǵan oqıǵa boıynsha qylmystyq is qozǵalǵanyn habarlady.

«Atalǵan derek boıynsha QR Qylmystyq kodeksiniń 306-baby 2-bóliginiń 1-tarmaǵymen (qaýipsizdigi talaptaryna saı kelmeıtin jumystardy oryndaý ne qyzmetter kórsetý deregi boıynsha) qylmystyq is tirkelip, tergep-tekserý júrgizilip jatyr. Qylmystyq-protsestik kodeksiniń 201-babynyń talaptaryna sáıkes, tergeý derekterin jarııa etýge jol berilmeıdi», - dep jazylǵan habarlamada.

Eske salsaq, budan buryn Qyzylordada saýda ortalyǵy aldynda jergilikti turǵyndy pyshaqtap ketti.