Qyzylordada Reseıge jol tartqan júk kóliginde maqta órtendi
QYZYLORDA. QazAqparat - Qyzylorda oblysynda Reseı astanasy - Máskeý qalasyna maqta alyp bara jatqan júk kóligi órtendi, dep habarlaıdy QazAqparat tilshisi.
Bul oqıǵa Qyzylorda qalasyna qarasty PMK-66 saıajaıy aýmaǵyndaǵy «Batys Qytaı - Batys Eýropa» tasjoly aýmaǵynda boldy. Qyrǵyzstannan Reseıge jol tartyp bara jatqan «Renault Magnum» markaly júk kóliginde 94 presstelgen maqta janyp jatqany jóninde «112» qutqarý qyzmetine habar túsken.
Órt sóndirýshiler oqıǵa ornyna dereý jetti. Nátıjesinde olardyń jyldam qımylynyń nátıjesinde 47 dana presstelgen maqta aman saqtaldy.
Órt oqıǵasy 34 mınýtta oqshaýlanyp, tolyǵymen sóndirildi.
«Tótenshe oqıǵaǵa №4 Órt sóndirý bóliminen 9 qyzmetker, 2 birlik tehnıka jumyldyryldy. Órt saldarynan zardap shekkender men qaza bolǵandar joq. Qazirgi ýaqytta órttiń shyǵý sebebi men shyǵyny anyqtalýda», - dep málim etti Qyzylorda oblysy Tótenshe jaǵdaılar departamenti Órt sóndirý jáne avarııalyq qutqarý qyzmetiniń baspasóz mamany Álııa Erejepova.
Budan buryn 9 qańtarda Qyzylorda oblysynda tasjolda kólik órtenip ketti.
