Qyzylordada Reseıge bet alǵan júk kóligi órtenip ketti
QYZYLORDA. QazAqparat - Qyzylorda oblysy Jalaǵash aýdanyna qarasty Aqqum aýylynyń tusynda Ózbekstannan Reseıge bet alǵan júk kóligi órtenip ketti, dep habarlaıdy QazAqparat tilshisi.
Oqys oqıǵa «Samara-Shymkent» tas jolynyń 1731 shaqyrymynda tirkeldi. Ózbekstannan Reseıge bet alǵan «Mercedes-Benz Actros» markaly júk avtokóligi tirkemesimen órtendi.
«Júk kóliginde sypyrǵy tıelgen. Ol tolyǵymen jandy. Órt sóndirýge tótenshe jaǵdaılar departamenti №11 órt sóndirý bóliminiń 5 mamany men 1 tehnıkasy qatystyryldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Budan buryn Qyzylordada kópqabatty úıden órt shyǵyp, 6 adam aýrýhanaǵa jetkizilgen bolatyn.
