Qyzylordada Reseıden kelgen stýdentke koronavırýs dıagnozy qoıyldy
Jaqynda Reseıden 42 stýdent keldi. Olar arnaıy avtobýspen elge jetkizilip, test synamalaryn tapsyrdy. Stýdentter 14 kún karantınge qatań baqylaýǵa alynǵan bolatyn.
Qazirgi tańda Qyzylorda oblysynda koronavırýs dıagnozy boıynsha 170 naýqas tirkeldi. Olardyń ishinde Qyzylorda qalasynda – 39, Aralda – 4, Qazalyda – 2, Qarmaqshyda – 4, Syrdarııada – 26, Shıelide – 66, Jańaqorǵanda – 30 jaǵdaı tirkelip otyr. Onyń 65-i syrqatynan aıyǵyp, úılerine oraldy.
Oblystyq densaýlyq saqtaý basqarmasy basshysy Jaqsylyq Abdýsametovtiń aıtýynsha, sońǵy táýlikte jańadan 9 derek tirkelgen. Onyń 5-eýi – Qyzylorda qalasynan , 4-eýi– Shıeli aýdanynan.
«Qyzylorda qalasynan anyqtalǵan 5 azamat indet juqtyrǵan naýqaspen baılanysta bolyp, baqylaýǵa alynǵandar. Al, Shıeliden anyqtalǵan 4 naýqastyń 3-eýi — koronavırýs ınfektsııasyn juqtyrǵandarmen qarym-qatynasta bolsa, 1-eýi — Reseı elinen kelgen stýdentten anyqtaldy. Qazirgi tańda naýqastardyń jaǵdaıy birqalypty, emderin hattamaǵa sáıkes alýda»,-dedi basqarma basshysy.