Qyzylordada rámizder alańy ashylady
QYZYLORDA. QazAqparat - Qyzylordada qyrkúıektiń 24-25 kúnderi qala kúni atalyp ótedi.
Qala ákimdiginiń baspasóz qyzmetiniń habarlaýynsha, bıylǵy qala kúni Táýelsizdigimizdiń 25 jyldyǵy qurmetine arnalyp, mereke aıasynda qalyptasqan dástúr boıynsha qala qonaqtary men turǵyndarynyń qurmetine sán-saltanatyna saı mádenı-kópshilik sharalar uıymdastyrylatyn bolady.
Merekeniń alǵashqy kúni, senbide «Memlekettik rámizder alańynyń» saltanatty ashylý rásimi ótedi. Sondaı-aq, Syrdarııa ózenin jaǵalaı oryn tepken aınalma jol «Táýelsizdik» dańǵylynyń ashylý saltanaty bolady. Buǵan qosa osy kúni «Sáýlet» móltek aýdanyndaǵy kópqabatty turǵyn úılerdiń kiltin tabystalsa, «Aqmeshit» móltek aýdanyndaǵy jańa «Soltústik» avtobeketi de paıdalanýǵa beriledi.
Saltanatty sharanyń jalǵasýy shahardyń kelbetine ár bergen qalaǵa soltústik baǵyttan kiretin qaqpanyń ashylý rásimine ulasady. Sonymen birge «Aqmeshit» móltek aýdanynda ornalasqan «Mereılim» balabaqshasy ashylsa, QR Tuńǵysh Prezıdenti saıabaǵynda 25 jas otbasyna neke kýáligi tapsyrylady.
