Qyzylordada pyshaq jaraqatymen aýrýhanaǵa 16 jastaǵy jasóspirim tústi

QYZYLORDA. QazAqparat - Qyzylorda oblysynda 16 jastaǵy jasóspirim pyshaq jaraqatymen aýrýhanaǵa tústi, dep habarlaıdy QazAqparat tilshisi.

Oqıǵa Qazaly aýdanynda tirkelgen. Aýdandyq polıtsııa bólimine​ jasóspirimniń dene​ jaraqatymen aýrýhanaǵa jetkizilgeni týraly habarlama túsken. Anyqtalǵandaı, belgisiz adam 16 jastaǵy jigitke pyshaqpen jaraqat salǵan.

«Jedel-izdestirý jumystary júrgizildi. Nátıjesinde pyshaq jaraqatyn salǵan kúdikti – 16 jastaǵy jasóspirim anyqtalyp, ýaqytsha ustaý abaqtysyna qamaldy. Bul boıynsha QR Qylmystyq kodeksiniń 24-baby 3-bóligi arqyly 99-babynyń 2-bóligi 14-tarmaǵymen (Adam óltirýge oqtalý) sotqa deıingi tergep-tekserý​ amaldary júrgizilýde. Qajetti saraptamalar taǵaıyndaldy.​​ Oqıǵanyń​ oryn alý sebepteri men mán-jaılary anyqtalýda», - dep málim etti Qyzylorda oblystyq Polıtsııa departamentinen.