Qyzylordada Prezıdent shyrshasynda balalarǵa «Bilim book» jınaǵy tabys etildi
QYZYLORDA. QazAqparat - Qyzylordada 200 oqýshy Jańa jyldyq Prezıdent shyrshasyna qatysty, dep habarlaıdy QazAqparat tilshisi.
Dástúr boıynsha merekelik sharaǵa 9-13 jas aralyǵyndaǵy oqý ozattary men ónerli oqýshylar, oblys boıynsha az qamtylǵan jáne kóp balaly otbasylardan shyqqan balalar, sondaı-aq «Atameken» balalar aýylynyń tárbıelenýshileri shaqyryldy.
Merekelik is-shara Elbasy Nursultan Nazarbaevtyń jańa jyldyq quttyqtaýymen ashyldy. Atalmysh shara barysynda Qyzylorda oblysynyń ákimi Qyrymbek Kósherbaev balalardy Jańa jyldarymen quttyqtady.
«Búgin respýblıka kóleminde Elbasy-Tuńǵysh Prezıdentimiz Nursultan Ábishuly Nazarbaevtyń tikeleı qoldaýymen Prezıdent shyrshasy uıymdastyrylýda. Sizderdiń halyqaralyq, respýblıkalyq jáne oblystyq olımpıadalarda, shyǵarmashylyq jáne sporttyq saıystarda jetistikke jetkenderińiz qýantady. Árqaısyńyz bolashaqta Qazaqstan Respýblıkasynyń atyn álemge áıgili etedi dep senemin!» - dedi aımaq basshysy.
Oqýshylar oblys ákimine jan-jaqty kórsetilip jatqan qoldaýy men qamqorlyǵy úshin alǵys aıtty. Іs-shara merekelik kontsertke ulasyp, balalarǵa arnap dastarhan jaıylyp, syılyqtar berildi - «Bilim book» jınaǵy (ártúrli jastaǵy oqýshylarǵa arnalǵan oqý quraly) tabystaldy.
Sonymen qatar, jańa jyldyq mereke aıasynda balalarǵa qala boıynsha ekskýrsııa uıymdastyryldy. Olar oblystyq tarıhı-ólketaný murajaıyna, «Rýhanı jańǵyrý» ortalyǵyna, «Muz aıdynyna» bardy jáne oblys ortalyǵynyń ózge de kórikti jerlerin aralady.
