Qyzylordada poıyzdardyń 13 jolserigi jaýapqa tartyldy
Temirjol salasyndaǵy talaptardyń saqtalýyna júrgizilgen tekseriske Qyzylorda stantsııasyndaǵy jelilik ishki ister bólimi, QR memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti jáne temirjol vokzaly ókilderi qatysty.
«Nátıjesinde 36 jolaýshy poıyzy tekserilip, 31 bıletsiz jolaýshy anyqtaldy. Sondaı-aq, poıyzdarda órtke qarsy 5 qondyrǵy bolmaı shyqty. Odan bólek, 14 sanıtarlyq zańbuzýshylyq jáne ózge de 75 kemshilik anyqtaldy. Zańdy aıaqtan basqan 13 jolserik ákimshilik jaýapkershilikke tartyldy», - dedi Qyzylorda oblysy boıynsha kóliktik baqylaý ınspektsııa basshysynyń mindetin atqarýshy Gúlmıra Prnazarova.
Sonymen qatar, áleýmettik jelilerde jarııalanǵan jolaýshy poıyzdarynyń qyzmet sapasyna, jol qujatynsyz qatynaıtyn jolaýshylarǵa, vokzaldardaǵy alypsatarlarǵa qatysty foto jáne vıdeomaterıaldar tekserildi.