Qyzylordada poıyz turaǵynda vagon tirkeýshi kóz jumdy

QYZYLORDA. QazAqparat - Qyzylorda qalasyna qarasty Belkól stansasynyń poıyz turaǵynda vagon tirkeýshi kóz jumdy, dep habarlaıdy QazAqparat tilshisi.

Qaıǵyly oqıǵa 29 qańtarda bolǵan. 39 jastaǵy er adam tirkeý kezinde eki vagonnyń ortasynda qysylyp qalǵan.

«Ol vagondardy tirkeý barysynda eki vagonnyń ortasynda qysylyp, oqıǵa ornynda kóz jumǵan. Atalǵan derek sotqa deıingi tergep-tekserý biryńǵaı tizilimine engizildi. Ol boıynsha QR Qylmystyq kodeksiniń 156-babynyń 3-bóligimen is qozǵaldy. Sot-medıtsınalyq saraptama taǵaıyndalyp, tergep-tekserý amaldary júrgizilýde», - dep málim etti Qyzylorda stansasy jelilik polıtsııa bólimi bastyǵynyń orynbasary Erbolat Seksenbaev.

Eske slaa ketsek, taıaýda Qyzylorda oblysynda eki konteıner órtenip úsh adamdy kúıik shaldy.