Qyzylordada poshta bólimshesinen órt shyqty
QYZYLORDA. 11 mamyr. QazAqparat - Qyzylorda qalasyndaǵy №16 poshta bólimshesinde órt tutandy. Bul týraly oblystyq tótenshe jaǵdaılar departamentiniń baspasóz qyzmeti habarlady.
«Órt 10 mamyr kúni saǵat 05.52-de qalanyń «Shuǵyla» shaǵyn aýdanyndaǵy bes qabatty úıdiń birinshi qabatynda ornalasqan №16 poshta bólimshesinde bolǵan», - delingen habarlamada.
Órt bólimshe ofısiniń 50 sharshy metr aýmaǵyn sharpyǵan. Jalyn 16 saǵat 15 mınýtta sóndirilgen. Osyǵan baılanysty ishten 14 adam shyǵarylǵan. Qurbandar men zardap shekkender joq.
Jalyndy aýyzdyqtaýǵa órt sóndirý bólimshesi jeke quramynyń 10 adamy, 2 tehnıka birligi qatysqan.
