Qyzylordada polıtsııaǵa para bermek bolǵan kólik júrgizýshisi ustaldy
QYZYLORDA. QazAqparat - Qyzylordada avtokólik júrgizýshisi patrýldik polıtsııa qyzmetkerlerine para berý ústinde ustaldy, dep habarlaıdy QazAqparat tilshisi.
Qyzylorda oblysy polıtsııa departamenti qyzmetkerlerimen júrgizilgen jedel-profılaktıkalyq is-sharasy barysynda avtokólik júrgizýshisi olardan ákimshilik hattama toltyrmaýyn suraǵan.
«Kúdikti kinásin tolyq moıyndap, oǵan qatysty «eshqaıda ketpeý jáne ózin durys ustaý» túrindegi bultartpaý sharasy qoldanyldy. Atalǵan derek boıynsha Ózindik qaýipsizdik basqarmasymen QR Qylmystyq Kodeksiniń 367-babynyń 1-bóligimen (para berý) sotqa deıingi tergep-tekserý júrgizilýde. Mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmetinen.
