Qyzylordada polıtsııa túngi oıyn-saýyq oryndarynan kámeletke tolmaǵandardy anyqtaý sharasyn ótkizedi
ASTANA. QazAqparat - 22-24 qańtar aralyǵynda oblysta múddeli memlekettik organdardyń, úkimettik emes uıymdardyń jáne buqaralyq aqparat quraldarynyń ókilderi «Balalar túngi qalada» atty jedel-profılaktıkalyq is-sharasy ótkiziledi, dep habarlaıdy oblystyq ІІD-niń baspasóz qyzmeti.
Іs-sharanyń maqsaty - kámeletke tolmaǵandar arasyndaǵy qylmystardy, onyń ishinde toptyq tóbeles, bopsalaý qylmysynyń aldyn-alý, sondaı-aq kámeletke tolmaǵandarǵa alkogol jáne temeki ónimderin satý, olardyń túnde oıyn-saýyq oryndarynda bolýyn anyqtaý.
Shara barysynda polıtsııa qyzmetkerleri túngi ýaqyttarda oıyn-saýyq oryndary, demalys oryndary, saýda úıleri jáne dúkenderde reıd uıymdastyrady.
