Qyzylordada polıtsııa túnde tóbelesken bir top jigitti ustady
Qyzylorda qalasy Polıtsııa basqarmasynyń Jedel basqarý ortalyǵynyń beınebaqylaýshy-ınspektory túnde oblys ortalyǵyndaǵy kósheniń birinde topqa bólingen jastar tóbelesip jatqanyn anyqtady. Oqıǵa ornyna dereý patrýldik polıtsııa ekıpajy jiberildi.
Málim bolǵany, jas shamasy 20-25 jastaǵy jigitter sózge kelip qalǵan. Polıtsııa qyzmetkerleriniń jedel áreketiniń nátıjesinde janjalǵa qatysýshylar oqıǵa ornynda ustaldy. Oqıǵanyń mán-jaıyn anyqtaý úshin Polıtsııa basqarmasyna jetkizildi. Atalǵan derek boıynsha QR Qylmystyq kodeksiniń 293-baby 3-bóliginiń 2-tarmaǵymen (buzaqylyq) sotqa deıingi tergep-tekserý áreketteri júrgizilýde.
«Kameralardyń arqasynda qylmystyń «izin sýytpaı» ashylý deńgeıi artty. Jyl basynan beri bul baǵytta 101 qylmys ashylyp, 21 myńnan astam ákimshilik quqyq buzýshylyq anyqtaldy. Beınebaqylaý kameralarynyń kómegimen tártip saqshylary qoǵamdyq oryndarda spırttik ishimdikterdi ishý jáne aýmaqty lastaý sııaqty usaq buzýshylyqtardyń úzdiksiz monıtorıngin júrgizedi», - dedi Qyzylorda oblysty Polıtsııa departamentiniń bastyǵy polıtsııa polkovnıgi Bektóre Sultan.
Eske salsaq, qazan aıynda Qyzylordada jasóspirimder arasynda jappaı tóbeles boldy.
