Qyzylordada polıtsııa temirjolda sýıtsıd jasamaq bolǵan adamdy qutqardy

QYZYLORDA. QazAqparat - Qyzylorda oblysy Jańaqorǵan aýdanynda polıtseıler temirjol boıynda ózine qol jumsamaq bolǵan adamnyń ómirin saqtap qaldy, dep habarlaıdy QazAqparat tilshisi.

Sýıtsıd jasaýǵa árekettengen azamat aýdan ortalyǵynda turady. Kýágerlerdiń aıtýynsha, onyń mundaı qadamǵa barýyna otbasyndaǵy másele sebepshi bolǵan.

«Polıtseıler jedel áreket etti. Nátıjesinde azamat ólimnen qutqaryldy. Bul sátte Jańaqorǵan aýdandyq polıtsııa bóliminiń Jergilikti polıtsııa qyzmetiniń ınspektory Meıirjan Jandarbekov, ýchaskelik polıtseı Almas Abdýllaev, ýchaskelik polıtsııa ınspektorynyń kómekshisi Erjan Aıtjanovtyń belsendi qımyl jasady. Qazirgi tańda oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti.