Qyzylordada polıtsııa qyzmetkerleri arasynda patrıottyq ánder festıvali ótti
Festıvalǵa 5 oblys jáne Nur-Sultan qalasynan kelgen jas qyzmetkerler konkýrstyq baǵdarlamaǵa sáıkes ónerin joǵary deńgeıde kórsetti. Kompozıtorlar, vokaldyq sheberlik oqytýshylary, mádenıet qaıratkerleri men qyzmetkerleri qatarynan qurylǵan qazylar alqasy ánshilik sheberlikke, tańdaǵan týyndynyń mazmunyna, sahna mádenıetin ustaýyna qarap baıqaýǵa qatysýshylarǵa baǵa berdi.
Qazylar alqasynyń sheshimimen dýet nomınatsııasynda Atyraý oblysy polıtsııa departamentiniń qyzmetkerleri jeńimpaz atandy. Odan keıingi oryndardy Qyzylorda oblysy polıtsııa departamenti jáne Aqtóbe oblysynyń mamandandyrylǵan kúzet qyzmeti basqarmasy aldy.
Trıo nomınatsııasy boıynsha jeńis tuǵyrynan Qyzylorda oblysynyń polıtsııa departamenti kórindi. Al Aqtóbe oblysynyń mamandandyrylǵan kúzet qyzmeti basqarmasy jáne Batys Qazaqstan oblysynyń polıtsııa departamenti ıelendi. Kvartet nomınatsııasynda Batys Qazaqstan jáne Qyzylorda oblysynyń polıtsııa departamentteri úzdik dep tanyldy.
Mundaı festıval Qaraǵandy, Taraz jáne Qyzylorda qalalarynda ótti. Festıval jeńimpazdary Soltústik Qazaqstan oblysynyń ortalyǵy - Petropavl qalasynda 2019 jyly 14-16 qazanda ótetin respýblıkalyq qorytyndy festıvalǵa qatysady.