Qyzylordada polıtsııa qyzmetkerin aıaǵynan atyp qashyp ketken qala turǵyny ustaldy
QYZYLORDA.QazAqparat-Polıtsııa qyzmetkerleri qala kóshesinde buzaqylyq nıetpen, mas kúıinde, ańshy myltyǵymen polıtsııa qyzmetkeriniń aıaq tusynan oq atyp, jeńil avtokólikke otyryp, qashyp ketken 25 jastaǵy, qala turǵynyn ustady,-dep habarlady QazAqparat HAA tilshisi oblystyq ІІD silteme jasap.
Aıaǵynan jaraqat alǵan polıtsııa qyzmetkeri aýrýhanaǵa jetkizildi.
Osy derek boıynsha Qazaqstan Respýblıkasy Qylmystyq kodeksiniń 24 baby 3 bólimi, 99 babynyń 1 bólimi, 192 babynyń 2 bólimi jáne 380 babtyń 2 bólimi boıynsha sotqa deıingi tergep-tekserý jumystary júrgizilýde. Kúdikti azamat qamaqqa alyndy. Oqıǵanyń mán-jaıy anyqtalý ústinde.
