Qyzylordada polıtsııa qyzmetkeri kópirden sekirgen egde jastaǵy áıeldi qutqardy
Qyzylorda oblystyq polıtsııa departamenti baspasóz qyzmetiniń habarlaýynsha, egde jastaǵy áıeldiń balasy qalalyq polıtsııa basqarmasynyń jedel-basqarý ortalyǵyna habarlasqan. Onda anasynyń belgisiz baǵytqa shyǵyp, úıge qaıta oralmaǵanyn jetkizgen.
«Polıtsııa serjanty Nursultan Bekturǵanov sol ýaqytta kezekti eńbek demalysynda júrgen edi. Qala shetinen ótip bara jatqan sátte kanaldan sekirgen áıel kisini baıqap qalady. Sýdyń salqyndyǵy men ekpindi aǵysyna qaramastan Nursultan sýǵa sekirdi. Eshbir oılanbastan áıel adamdy qutqarýǵa kiristi. Nátıjesinde áıel kisini jaǵaǵa shyǵaryp, onyń ómirin saqtap qaldy», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.
Nursultan Bekturǵanov Qyzylorda oblysy «Mamandandyrylǵan kúzet qyzmeti basqarmasy» memlekettik mekemesiniń tyldyq qamtamasyz etý bólimshesiniń júrgizýshi polıtseıi.
Osylaısha polıtsııa qyzmetkeri óz ómirin qaterge tige otyryp, batyldyq pen adamgershilik tanytty.
