Qyzylordada polıtseıler joǵalyp ketken búldirshindi táýlik ishinde taýyp berdi

QYZYLORDA. QazAqparat - Qyzylordada polıtseıler belgisiz baǵyttqa shyǵyp úıine qaıta oralmaǵan búldirshindi táýlik ishinde taýyp berdi, dep habarlaıdy QazAqparat tilshisi.

Qyzylordada 12 maýsymda 7 jastaǵy búldirshin tańǵy 8:00 shamasynda úıinen belgisiz baǵytqa shyǵyp ketken. Sodan keıin úıine qaıta oralmaǵan.

«Bul jóninde jergilikti turǵyn Qyzylorda qalalyq Polıtsııa basqarmasynyń 102 arnasyna habarlasqan. Onda 7 jastaǵy balasynyń oınap júrip, úıine qaıta oralmaǵany týraly aıtylǵan. Qyzylorda qalalyq Polıtsııa basqarmasynyń Aqsaı polıtsııa bóliminiń jeke quramy men ıývenaldy polıtsııa bólimshesiniń qyzmetkerleri,Tótenshe jaǵdaılar departamenti, Ulttyq ulan sarbazdary jáne eriktiler balany izdeýge jumyldyryldy. Polıtseıler júrgizgen izdeý sharalarynyń nátıjesinde búldirshin aman-esen tabyldy, ol ata-anasyna tabystaldy», - dep málim etti Qyzylorda qalalyq polıtsııa basqarmasynan.

Eske salsaq, budan buryn Qyzylordada polıtseı sýǵa batyp bara jatqan jigitti qutqardy.