Qyzylordada polıtseıler órt ishinen tórt balany qutqardy
Polıtsııa kapıtany Álimjan Álimbetov pen polıtsııa aǵa leıtenanty Beıbarys Qalymbetov Qyzylorda qalalyq polıtsııa basqarmasynyń krımınaldyq polıtsııa bóliminde qyzmet atqarady. Qyzmetterin atqarý barysynda olar kóshede kele jatyp oblys ortalyǵyndaǵy úıdiń biriniń terezesinen balalardyń kómek suraǵan jaǵdaıyn baıqap qalady.
Polıtsııa qyzmetkerleri dereý iske kiristi. Úı ishine kirgende turmystyq zattar órtenip jatqanyn baıqaıdy. Polıtseıler úlkeni bes, kishisi bir jasqa tolmaǵan balalardy órt ishinen alyp shyqty. Olardy kórshilerine tapsyrdy.
«Tekserý barysynda balalardyń ákesi jumysta bolǵandyǵy anyqtaldy. Al anasy jaqyn mańaıdaǵy azyq-túlik dúkenine ketken. Úıine oralǵan anasy órtten aman-esen balalaryn qutqaryp qalǵan polıtsııa qyzmetkerlerine alǵysyn bildirdi», - dep málim etti Qyzylorda oblystyq polıtsııa departamentiniń baspasóz qyzmeti.