Qyzylordada polıtseıler men sarbazdar turǵyndardy órtten qutqardy
QYZYLORDA. QazAqparat - Qyzylorda oblysynda polıtseıler men Ulttyq ulan sarbazdary turǵyndardy órtten qutqardy, dep habarlaıdy QazAqparat tilshisi.
Qyzylorda qalalyq polıtsııa basqarmasynyń jedel basqarý ortalyǵynyń ınspektory Nurlan Qarlybaev jáne QR Іshki ister mınıstrliginiń №5547 Ulttyq ulan sarbazdary Kırıll Losıtskıı, Nııaz Dáýlet óz qyzmetterin atqaryp júrgen bolatyn. Qyzmetin atqarý barysynda olar Táýelsizdik dańǵylyndaǵy kópqabatty turǵyn úıdiń 2 qabatyndaǵy balkonnan qalyń tútindi baıqady.
«Olar shuǵyl qyzmetke habarlap úlgerdi. Odan keıin dereý páterge kirip, turǵyndardy balalarymen birge qaýipsiz jerge shyǵarady. Sodan keıin órt sóndirýshiler kelgenge deıin órtti sóndirýge kiristi. Órt saldarynan zardap shekkender joq. Mán-jaılardy anyqtaý úshin oqıǵa ornyna jedel-tergeý toby shaqyryldy. Qazirgi ýaqytta oqıǵanyń sebep-saldary anyqtalýda. Turǵyndar tártip saqshylary men sarbazdarǵa alǵysyn bildirdi», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, Qyzylordada iri mólsherde esirtki tárkilendi.
