Qyzylordada polıtseıler koronavırýs vaktsınasyn saldyra bastady
QYZYLORDA. QazAqparat - Qyzylorda oblysynda quqyq qorǵaý organdarynyń qyzmetkerleri koronavırýs ınfektsııasynyń ekpesin saldyra bastady, dep habarlaıdy QazAqparat tilshisi.
Bul boıynsha uıymdastyrý sharalary oblystyq densaýlyq saqtaý basqarmasy jáne oblystyq sanıtarlyq-epıdemıologııalyq baqylaý departamentimen kelisilgen. Atalǵan shara qalalyq №1, 3 jáne 6 emhanalarda júrgizilip jatyr.
Oblys ortalyǵyndaǵy №6 emhanada Qyzylorda qalalyq polıtsııa basqarmasynyń basshylary bastaǵan jeke quramy «Spýtnık V» vaktsınasyn saldyrdy.
Alǵashqy kezekte ekpe ýchaskelik polıtsııa ınspektorlaryna egildi. Olardyń negizgi qyzmeti - halyqpen tyǵyz qarym-qatynasta, tikeleı baılanysta bolǵandyqtan tártip saqshylary osyndaı sheshim qabyldady.
Vaktsına salǵannan keıin polıtsııa qyzmetkerleriniń jaǵdaıy dárigerler baqylaýynda bolady. Qazir olardyń densaýlyǵy birqalypty.
«Koronavırýs vaktsınasy sallyna bastaǵanyn habarlaǵan kezde men ony birden alǵym keletinin aıttym. Biz, polıtseıler, sondaı-aq medıtsına qyzmetkerleri azamattarmen tyǵyz baılanystasyz. Kún saıyn halyqpen tyǵyz qarym-qatynasta jumys istep, kúni-túni aldyńǵy sheptemiz. Vaktsına alý meniń densaýlyǵyma ǵana emes, aınalamdaǵylardyń saýlyǵy úshin de qajet», - dedi Qyzylorda qalalyq Polıtsııa basqarmasy bastyǵynyń orynbasary Sáken Bóribaev.
