Qyzylordada polıtseıler kóp qabatty úı turǵyndaryn órtten qutqardy
QYZYLORDA. QazAqparat - Qyzylordada polıtsııa qyzmetkerleri kóp qabatty úı turǵyndaryn órtten qutqaryp qaldy, dep habarlaıdy QazAqparat tilshisi.
Qyzylorda qalasynyń polıtsııa basqarmasy kezekshi bólimine Qorqyt ata kóshesi boıyndaǵy kóp qabatty úıdiń biri órtenip jatqany jóninde habar kelip tústi. Polıtsııa qyzmetkerleri oqıǵa ornyna kelgen sátte kóp qabatty úıdiń astyndaǵy dúkenniń janyp jatqanyn kórip, shuǵyl tıisti sala mamandaryna habarlasty. Ózderi jalyn qushaǵyna oranǵan dúkendegi órtti sóndirýge jáne turǵyndardy qutqarýǵa kiristi. Olaı etpegen jaǵdaıda adamdar ómirine qaýip tónýi ábden múmkin edi. Polıtsııa aǵa leıtenanty Baqytjan Aıdarbekov, ýchaskelik ınspektorlar: polıtsııa leıtenanttary Qaırat Qanatov pen Baqytjan Dosmaǵambetovtiń jedel áreketiniń arqasynda ondaǵy jurttyń biri der kezinde syrtqa shyǵaryldy.
Nátıjesinde zardap shekkender bolǵan joq. Qazirgi tańda órttiń shyǵý sebebi naqtylanyp jatyr.
«Esterińizge sala ketelik, bıylǵy 19 tamyzda Baqytjan Dosmaǵambetov osyndaı oqıǵada turǵyndardy qutqarýǵa belsene atsalysqan edi. Ol joly Maqsat Jylqaıdarov jáne Maqsat Hasenov sekildi áriptesterimen birge órtenip jatqan kóp qabatty úıdegi 17 adamnyń ómirin aman saqtap qalǵan bolatyn», - dep málim etti Qyzylorda oblystyq polıtsııa departamentinen.
