Qyzylordada polıtseıler kóktaıǵaqta joldan shyǵyp ketken 15 avtokólikke kómek kórsetti

QYZYLORDA. QazAqparat - Qyzylorda oblysynda polıtseıler aýa raıy qolaısyzdyǵynan jol boıynda qıyn jaǵdaıǵa tap bolǵan 15 avtokólik ıesine kómek kórsetti, dep habarlaıdy QazAqparat tilshisi.

17 qarashada Qyzylorda oblysynda aýa raıy kúrt sýytty. Qar jaýyp, jolda muz qatty. Osynyń saldarynan táýlik ishinde joldyń taıǵaq bolýyna baılanysty 17 jol-kólik oqıǵasy tirkeldi. Oqıǵalar barysynda 1 adam dene jaraqatyn aldy. Kólikterge eleýli kólemde materıaldyq shyǵyn keldi.

Respýblıkalyq mańyzy bar joldarda kólik júrgizýshisi joldyń muz, taıǵaqtyǵynan basqarý júıesine ıe bola almaı qalǵan oqıǵalar kezdesti. Osyndaı jaǵdaıǵa baılanysty patrýldik polıtsııa rota qyzmetkerleri joldan shyqqan 15 avtokólikke kómek kórsetti. Bul avtokólikter qaıta jolǵa shyǵaryldy.

«Patrýldik polıtseıler osyndaı jaǵdaıda qandaı áreket jasaý kerek ekendigin biledi. Mundaı sátterde evakýatordy shaqyrý, qajet bolǵan jaǵdaıda eldi mekenge jetkizý, kólik quralynyń qozǵaltqyshyn jylytý, evakýatsııalaý jumystaryn júrgizedi. Biz qyzmetkerlerimizdi kez - kelgen jaǵdaılarǵa daıyn bolýǵa úıretemiz», - dedi Qyzylorda oblysy Polıtsııa departamentiniń bastyǵy polıtsııa polkovnıgi Bektóre Sultan.

Eske salsaq, 17 qarashada Qyzylordada bıylǵy alǵashqy qar jaýdy.