Qyzylordada polıtseıler kisi ólimin izin sýytpaı ashty
Oqıǵa 29 naýryzda Qyzylorda qalasyndaǵy jeke úılerdiń birinde boldy.
Oblys ortalyǵynyń eki turǵyny spırttik ishimdikti mólsherden tys paıdalanǵan.
Іshimdik ishken ekeýdiń arasynda janjal týyndaǵan. Ábden mas bolǵan kúdikti azamat tanysynyń aıaǵyna pyshaq jaraqatyn salǵan.
Alǵan jaraqatynan ol oqıǵa ornynda qaıtys bolǵan.
«Polıtsııa qyzmetkerler kúdiktini izin sýytpaı ustady. Ol qalalyq polıtsııa basqarmasyna jetkizildi. Tergeý barysynda esh jerde jumys istemeıtin turǵynnyń buryn sottalǵany anyqtaldy. Qazir ol ýaqytsha ustaý ızolıatorynda qamaýda otyr. Sot saraptamasy taǵaıyndaldy. Qazirgi ýaqytta atalǵan derek boıynsha QR Qylmystyq kodeksiniń 99-babymen sotqa deıingi tergeý amaldary júrgizilip jatyr», - dep málim etti Qyzylorda oblystyq polıtsııa departamentiniń baspasóz qyzmetinen.
Qylmystyń osy túrin jasaǵany úshin sot sheshimimen segiz jyldan on bes jylǵa deıingi merzimge bas bostandyǵynan aıyrý jazasy kózdelgen.
Sondaı-aq, aǵaıyndylar Qyzylorda oblysynyń meshitterin tonap kelgenin habarlaǵan edik.