Qyzylordada polıtseıler 5 adamdy órtten qutqardy
QYZYLORDA. QazAqparat - Qyzylordada polıtseıler bes adamdy órtten qutqardy, dep habarlaıdy QazAqparat tilshisi.
Búgin 31 mamyrda saǵat 10.23 shamasynda oblys ortalyǵynyń shetki aımaǵyda ornalasqan turǵyn úılerdiń birinde órt shyqty.
Ony Qyzylorda qalalyq Polıtsııa basqarmasynyń Aqsaı polıtsııa bólimindegi «Boran-5» ekıpajynyń polıtsııa qyzmetkerleri ózderine bekitilgen ákimshilik aımaqtaryn aralaý barysynda baıqap qaldy.
Ekıpaj quramynda júrgen polıtsııa kapıtany Baqytjan Tastybaev pen polıtsııa aǵa leıtenanty Ádilet Qýanyshqa úıge kirý úshin terezeni syndyrýǵa týra kelgen. Polıtseıler órtke oranǵan úıge birneshe qaıtara kirýine týra keldi. Osylaısha órt shalǵan úı ishindegi adamdardy birinen soń birin syrtqa shyǵardy. Polıtseıler órt sóndirýshiler men jedel-járdem brıgadasy kelip jetkenshe 5 adamnyń ómirin saqtap qaldy. Olardyń biri búldirshin bolsa, taǵy bireýi júkti áıel.
Tótenshe jaǵdaılar departamenti mamandary tarapynan oqıǵaǵa baılanysty órttiń shyǵý sebebi anyqtalýda.
«Polıtsııadaǵy qyzmet – adamdarǵa kúndelikti kómek kórsetý. Bul – bizdiń jumysymyz. Men erekshe is istedim dep oılamaımyn. Bul jaǵdaıda kez kelgen adam osylaı jasar edi», – deıdi Baqytjan Tastybaev.
Eske salsaq, buǵan deıin Qyzylordada turǵyn úı túgi qalmaı órtenip ketti.
