Qyzylordada polıtseıdi urǵan turǵyndar jaýapkershilikke tartylmaq
ShIELІ. QazAqparat - Qyzylorda oblysynda aýyl turǵyndary polıtsııa qyzmetkerin urǵany úshin qylmystyq jaýapkershilikke tartyldy, dep habarlaıdy QazAqparat tilshisi.
Shıeli kentinde polıtseıler «Qaýipsiz jol» jedel-aldyn alý is-sharasy kezinde kóliktiń aldyńǵy bóliginde memlekettik belgisi joq «Daewoo Nexia» avtokóligin toqtatýǵa árekettendi. Alaıda júrgizýshi oǵan baǵynbaı Alǵabas aýylyna qaraı qashyp ketýge tyrysty. Polıtsııa qyzmetkerleri oǵan «Kókshoqy» eldi mekeninde atalǵan kóliktiń toqtaýyn taǵy talap etken bolatyn. Bul sátte kólik júrgizýshisi qyzmettik avtokóliktiń aldyńǵy oń jaǵyndaǵy bamperine soǵyp, sol kúıi toqtamastan óziniń turǵyn úıdiń aýlasyna deıin qashyp kelgen. Ol polıtsııa qyzmetkerlerine qujatyn berýden bas tartqan.
«Alǵabas aýylynyń birneshe turǵyny oqıǵa ornynda polıtsııa qyzmetkerleriniń áreketterine zańsyz aralasty. Olardyń bireýi polıtsııa qyzmetkerin kúsh kórsetip, oqıǵa ornynan qashyp ketken. Keıinnen úsh kúdikti qamaýǵa alyndy. Qazirgi tańda olarǵa qatysty sot qaýlysymen «kepil» túrindegi bultartpaý sharasy qoldanyldy. Atalǵan derek boıynsha QR Qylmystyq kodeksiniń 380-babynyń 1-bóligimen sotqa deıingi tergep-tekserý amaldary júrgizilýde. Onda bılik ókiline qatysty kúsh qoldaný jaǵdaıy kórsetilgen. Saraptamalar taǵaıyndaldy», - dep málim etti Qyzylorda oblystyq polıtsııa departamentinen.
Vedomsto málimetinshe, avtokólik júrgizýshisine qatysty QR Ákimshilik quqyq buzýshylyq týraly kodeksiniń 610-baby 1-bóligi, 611-babynyń 2-bóligimen hattama toltyrylyp, ol aýdandyq sot qaýlysymen bir jyl merzimge kólik quralyn basqarý quqyǵynan aıyryldy.
