Qyzylordada polıtseı ustaǵan júrgizýshi kóz jumdy
Qyzylorda polıtsııa departamentiniń habarlaýynsha, polıtsııa qyzmetkeri mas kúıinde kólik júrgizgen jergilikti turǵyndy toqtatyp, ony qyzmettik avtokólikke otyrǵyzýǵa áreket jasaǵan sátte júrgizýshi esinen tanyp, jedel járdem kelgenshe kóz jumǵan.
Bul oqıǵa 10 shildege qaraǵan túni bolǵan.
«Qyzylorda qalasynyń 43 jastaǵy turǵyny spırt ishimdigin iship avtokólik basqarǵan. Polıtsııa qyzmetkerleri oǵan avtokólikti toqtatý jóninde zańdy talap qoıǵan, biraq ol talapqa baǵynbaǵan. Mas kúıinde kólik júrgizgen azamatty toqtatyp, qyzmettik avtokólikke otyrǵyzý barysynda ol kenetten esinen tanyp, qulaǵan. Polıtseıler birden jedel járdem shaqyrtty, ol medıtsınalyq kómek kelgende kóz jumǵan. Sot-dárigerlik sarapshynyń máıitke syrttaı qaraý júrgizý barysynda zorlyq-zombylyq belgileri anyqtalǵan joq», - dedi departamentiniń baspasóz qyzmeti.
Oqıǵa boıynsha tergeý amaldary júrgizilýde.