Qyzylordada polıtseı sýǵa batyp bara jatqan jigitti qutqardy
Oqıǵa búgin, 5 maýsymda jergilikti ýaqytpen saǵat 11:30 shamasynda bolǵan. Aýdandyq polıtsııa bólimi jergilikti polıtsııa qyzmeti bólimshesiniń bastyǵy Erjan Abdramanov sýǵa batyp bara jatqan er azamattyń ómirin saqtap qaldy.
«Aýdandyq polıtsııa bóliminiń jergilikti polıtsııa qyzmeti bólimshesiniń bastyǵy, polıtsııa maıory Abdramanov Erjan Asylhanuly jáne patrýldik polıtsııa tobynyń aǵa ınspektory, polıtsııa leıtenanty Ótesh Ernur Ómirtaıuly qyzmet babymen aımaqty aralap júrgen bolatyn. Sol sáttiń birinde kólik aldynan jergilikti turǵyn júgirip shyǵyp, kólikterin toqtatýyn suraǵan. Jergilikti turǵyn Buqarbaı batyr eldi mekenine qarasty «Severnyı» kanalynda bir azamattyń sýǵa batyp bara jatqandyǵyn aıtyp, kómektesýin ótindi. Erjan esh oılanbastan jigitti aman alyp qalý maqsatynda sýǵa sekirdi. Jigitti jaǵaǵa shyǵaryp, oǵan dárigerge deıingi medıtsınalyq kómek kórsetti», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada jyl basynan beri 13 adam sýǵa ketti.
