Qyzylordada perzenthanada kúzetshige qol kótergen 2 jigit ustaldy

QYZYLORDA. QazAqparat - Qyzylordadaǵy «Ana men bala» ortalyǵynda kúzetshige qol kótergen eki turǵynǵa qatysty qylmystyq is qozǵaldy, dep habarlaıdy QazAqparat tilshisi.

Bul oqıǵa 22 tamyz kúni bolǵan. Sol kúni Baıqońyr qalasynda turatyn 32 jastaǵy jigit medıtsınalyq ortalyqqa tanysymen keledi. Olarǵa medbıke men kúzetshi kirý ýaqyty aıaqtalǵanyn túsindiredi. Eskertýge qulaq aspaǵan olar medbıke men kúzetshige dóreki sóıleıdi. Kúzetshige qol kóterip, ony uryp-soqqan.

«Qazirgi tańda kúdiktiler ustaldy, saraptamalar taǵaıyndaldy, tergeý jumystary júrgizilýde. Olardyń ústinen QR Qylmystyq kodeksiniń 293-babynyń 2-bóliginiń 1-tarmaǵymen sotqa deıingi tergep tekserý júrgizilýde», - dep málim etti Qyzylorda oblystyq polıtsııa departamenti.

Esterińizge sala ketelik, Qyzylordada joǵalyp ketken 3 jasar sábı tabylǵanyn habarlaǵan edik.