Qyzylordada «Patronat ana - jan shýa­ǵy» atty merekelik is-shara ótti

QYZYLORDA. Naýryzdyń 8-i. QazAqparat /Rýslan Igilik/ - Qyzylorda qalasyndaǵy medıtsınalyq kolledjdiń akt za­lynda oblys ákimi Bolatbek Qýandyqov­tyń qatysýymen «Patronat ana - jan shýa­ǵy» atty merekelik is-shara ótti,

dep habarlaıdy QazAqparat tilshisi.

Oǵan patro­nattyq tárbıedegi 28 bala men 27 patro­nat­tyq tárbıeshi, úkimettik emes uıymdar jetekshileri, kásipker áıelder, baspasóz ókilderi qatysty.

Oblys ákimi aıtyp ótkenindeı, óńirde 316 patronattyq tárbıelenýshi, 228 patronattyq tárbıeshi bar. Ata-ananyń qamqorlyǵyna zárý, olardyń meıirimine shóldegen balalarǵa qamqor qolyn sozyp, júrek jylýyn arnaǵan analarǵa qandaı qurmet kórsetilse de artyq­tyq etpeıdi. Patronattyq tárbıege alynǵan balalarǵa ónegeli tárbıe berý, keleshekte ony jetildire túsý joldary qarastyrylýda.

Ótken jyly Qazaqstannyń ІV Azamattyq forýmynda «Úkimettik emes uıymdarmen tıimdi áriptestigi úshin» atalymy boıynsha bizdiń oblys jeńimpaz dep tanyldy. Oblystyń joǵary jáne arnaýly oqý oryndarynda oqıtyn 49 patronattyq tárbıedegi stýdent jastardyń aqyly bólimderde oqıtyn 31-ine memlekettik grant usynyldy. Oblys ákimi sol jastarǵa memlekettik oqý grantyn saltanatty túrde tabys etti.