Qyzylordada páterden 14 mln teńgeniń múlkin urlaǵan top ustaldy
QYZYLORDA. QazAqparat - Polıtsııa qyzmetkerleri 1 kún ishinde iri kólemdegi páter urlyǵy qylmysyn jasap, qala turǵynyna 14 mıllıonǵa jýyq shyǵyn keltirgen 2 adamnan turatyn qylmystyq topty quryqtady, dep habarlady QazAqparat tilshisi oblystyq ІІD-niń baspasóz qyzmetine silteme jasaı otyryp.
Ustalǵan qylmystyq top músheleriniń, ıaǵnı 1991 jylǵy jáne 1995 jylǵy azamattardyń qylmystyq is-áreketteri tolyǵymen dáleldenip, aıǵaq zattary alyndy.
Atap aıtqanda, joǵaryda atalǵandar 2016 jyldyń 2 tamyzynda saǵat 14.00-18.30 aralyǵynda Qyzylorda turǵynynyń úıine birinshi qabatta ornalasqan bólmeniń terezesi arqyly kirip, jatyn bólmede turǵan altyn buıymdaryn, 2 mıllıonǵa jýyq aqshasyn jáne 4 300 AQSh dollaryn urlap ketken. Shyǵynnyń jalpy somasy 13 685 000 teńge.
Qazirgi tańda QR Qylmystyq kodeksiniń 188-baby 4-bóligi boıynsha qylmystyq is qozǵalyp, sotqa deıingi tergep-tekserý amaldary júrgizilýde. Eki kúdikti de Qalalyq ishki ister basqarmasynyń Ýaqytsha ustaý abaqtysyna qamaqqa alyndy. Іs aıyptaý qorytyndysymen sotqa joldandy.
