Qyzylordada paradzıýdodan eresekter arasynda halyqaralyq týrnır ótkiziledi
QYZYLORDA. QazAqparat - Qyzylordada paradzıýdodan eresekter arasynda halyqaralyq týrnır ótkiziledi, dep habarlaıdy QazAqparat tilshisi.
Týrnır «Muz aıdyny» sport kesheninde bolady. Mundaı shara Syr óńirinde alǵash ret uıymdastyrylyp otyr. Atalmysh shara 5 sáýir kúni jalaýyn kóteredi. Oǵan AQSh, Birikken Arab Ámirligi, Grýzııa, Ózbekstan, Reseı, Rýmynııa, Ońtústik Koreıa jáne Qazaqstan elderiniń paradzıýdoshylary qatysady dep kútilýde.
Halyqaralyq týrnır erler jáne qyzdar arasynda ótedi. Jigitter 60 , 66, 73, 81, 90, 100, 100 keliden joǵary salmaqta ótkizilse, qyzdar 57 jáne 70 kelide sheberlik baıqasady. Atalmysh sharany Qyzylorda oblysynyń ákimdigi men elimizdiń Paradzıýdo federatsııasy uıymdastyryp otyr.
Paradzıýdo jigitter arasynda 1988 jyldan beri Jazǵy Paralımpıada oıyndaryna qosylsa, qyzdar arasynda atalmysh dúbirli dodada 2004 jyldan beri júldeler úlestirilip keledi.
Sońǵy jyldary Qazaqstanda paradzıýdo keńinen qanat jaıdy. Byltyr qyzylordalyq Oljas Orazalyuly paradzıýdodan Lıssabonda ótip jatqan Álem chempıonatynda jeńimpaz atanǵan bolatyn.
Illıýstratsııalyq sýret
