Qyzylordada para bermeıtinder sany artqan
«Syr medıa» JShS aqparattyq taldaý ortalyǵy qyzylordalyq turǵyndardyń sybaılas jemqorlyq máselesine kózqarastaryn anyqtaý maqsatynda áleýmettik zertteý júrgizgen.
Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysynyń orynbasary Berikbol Baıhojaev aıtty.
«Áleýmettik zertteýge qatysqan oblys turǵyndarynyń 66 paıyzy syıaqy nemese para bermeıtindigin aıtqan. Para bermeımiz deýshilerdiń qatary ótken jylmen salystyrǵanda 6,7 paıyzǵa kóbeıgen, - dedi B.Baıhojaev.
Degenmen de turǵyndardyń 19 paıyzy qınalǵan sátinde para beretinin bildirgen.
Al, «You&Me» Qoǵamdyq pikirdi zertteý ortalyǵynyń Qazaqstan Respýblıkasyndaǵy sybaılas jemqorlyqty qabyldaý deńgeıin anyqtaý boıynsha júrgizgen sotsıologııalyq zertteýine qatysqan qyzylordalyqtardyń 94,5 paıyzy sybaılas jemqorlyqqa qarsy ekenderin bildirse, respondentterdiń 83,3 paıyzy para nemese syılyq berý jaǵdaıyna kezikpegendigin aıtqan.