Qyzylordada para alǵan stansa basshysy sottaldy

NUR-SULTAN. QazAqparat - Qazaqstan Respýblıkasy sybaılas jemqorlyqqa qarsy is-qımyl agenttigi Qyzylorda oblystyq departamenti «QTJ UK - Júk tasymaly» AQ Qyzylorda bóliminiń stansa basshysy R.Sholtabaevqa qatysty sotqa deıingi tergeý jumystaryn aıaqtady, dep habarlaıdy QazAqparat.

R.Sholtabaev júk vagondaryn jyldam jetkizý jáne tazalaý úshin kásipkerlerden birneshe ret para alǵan.

Bıyl 10 shildede Qyzylorda qalasy №2 soty R.Sholtabaevqa 2,9 mln teńge kóleminde aıyppul saldy.

Sot oǵan aıyppuldy tóleý úshin 1 aı ýaqyt berdi. Tólenbegen jaǵdaıda, bas bostandyǵynan aıyrylady.

Sottalýshy ómir boıyna memlekettik qyzmette laýazymdy qyzmet atqarý quqyǵynan aıyryldy.