Qyzylordada pandemııaǵa qarsy is-qımyl máseleleri tarazylandy
Respýblıkalyq shab quramynda QR Premer-Mınıstri orynbasarynyń baspasóz hatshysy, Sanıtarlyq-epıdemıologııalyq baqylaý komıtetiniń resmı ókili Erjan Baıtanaev, pandemııaǵa qarsy is-qımyl jónindegi respýblıkalyq azamattyq shtab músheleri Serik Berkamalov pen Mıras Aýkenov bar.
Shtab ókilderi sapar aıasynda oblystyń zııaly qaýym ókilderi, qoǵam belsendileri jáne kásipkerlermen kezdesti. Kezdesýde aımaq aktıvi shtab ókilderine turǵyndardy tolǵandyryp júrgen suraqtaryn qoıdy.
Sondaı-aq, sapar barysynda «Qyzylorda elektr taratý toraptary kompanııasy» aktsıonerlik qoǵamy jáne «Azamattarǵa arnalǵan úkimet» KEAQ ujymymen vaktsınatsııa taqyryby keńinen talqylandy.
«Elde ujymdyq ımmýnıtetti qalyptastyrýǵa mán berýimiz tıis. Halyqtyń 70-80%-yn vaktsınatsııalaý nátıjesinde koronavırýstan syrqattanýshylyq pen ólim deńgeıi azaıady. Osylaısha qalypty ómirge qaıta orala alamyz»,- dedi Erjan Baıtanaev.
Shtab músheleri óńirdiń «jasyl» aımaqta ekenin atap ótti.
Soǵan qaramastan alda kúnniń salqyndaýyna baılanysty tumaý, JRVI aýrýy órshı túsýi múmkin. Sondyqtan saqtyq sharalaryn qatań saqtaý qajet.
Shtab músheleri babalar arasynda vaktsınatsııalaý ata-analar jáne zańdy qorǵaýshylar kelisimimen júrgiziletinine toqtaldy. Bul balalardy qaterli indetten qorǵaýǵa baılanysty ata-analar ótinishi boıynsha qolǵa alynýda.
E. Baıtanaevtyń sózinshe, Densaýlyq saqtaý mınıstrligi DDSU maquldaǵan «Pfizer» vaktsınasy boıynsha amerıkalyq kompanııamen kelissózder júrgizilýde. Kelissóz nátıjeli aıaqtalǵanda bıylǵy jyldyń tórtinshi toqsanynda elimizge jetkiziledi. josparlanýda.
