Qyzylordada ózin ákimdik qyzmetkerimin dep tanystyrǵan jigit alaıaq bolyp shyqty
QYZYLORDA. QazAqparat - Qyzylordada telefon arqyly jergilikti turǵyndardan aqsha bopsalaýdy kózdegen jigit ustaldy, dep habarlaıdy QazAqparat tilshisi.
1994 jylǵy kelgen jigit ózin jurtqa ákimdik qyzmetkeri retinde tanystyrady. Solaısha ońaı jolmen aqsha tabýdy kózdegen alaıaq tártip saqshylarynyń qolyna tústi.
«Osyndaı jolmen álgi azamat bir mekeme basshysyna habarlasady. Odan 300 myń teńge kóleminde aqsha talap etken. Polıtsııaǵa odan bólek taǵy eki shaǵym túsken. Polıtsııa qyzmetkerleriniń júrgizgen jedel izdestirý jumystarynyń nátıjesinde kúdikti tulǵa anyqtaldy», - dedi Qyzylorda oblystyq polıtsııa departamenti baspasóz qyzmetiniń basshysy Gúljahan Qaıyrbergenova.
Búgingi kúni atalǵan derek boıynsha QR Qylmystyq kodeksiniń 190-baby 1-bóligimen sotqa deıingi tergeý júrgizilýde. Kúdiktiden jaýap alý barysynda ol óziniń kinásin tolyǵymen moıyndaǵan. Qazirgi tańda kúdiktiniń basqa da qylmystarǵa qatystylyǵyn anyqtalý ústinde.
