Qyzylordada ózbekstandyq úsh adam quldyqtan bosatyldy
QYZYLORDA. 30 mamyr. QazAqparat - Qyzylorda oblysynda ózbekstandyq gasterbaıterlerdi qul ornyna jumsaǵandar tabylyp jatyr. Bul týraly oblystyq prokýratýranyń baspasóz qyzmeti habarlady.
Atap aıtqanda, óziniń jeke ıeligindegi aýmaqta kommertsııalyq nysan salyp jatqan Qyzylorda qalasynyń turǵyny Ózbekstannyń ıÝldashev, Mamatqulov, Hakımov esimdi úsh azamatyn zańsyz negizde ustap, jumysyna jegip qoıǵan. Gasterbaıterlerdiń qujattaryn alyp qoıǵan baıshykesh olardy kúndelikti ishetin tamaqtarynyń esebinen jumysqa salǵan. Ózbekter kúndiz qurylysta jumys jasasa, túnde qojaıyny olardy temir vagonnyń ishine qamap qoıyp otyrǵan. Al vagonnyń ishinde adam turýǵa kerekti qarapaıym nárselerdiń ózi bolmaǵan.
Ózbekstan azamattaryn bul quldyqtan quqyq qorǵaý organdarynyń qyzmetkerleri qutqardy. Polıtseıler bul úsheýdiń de Qazaqstanǵa tabys tabý úshin emes, qonaq bolyp kelgenderin anyqtady. Olarda jumys jasaýǵa ruqsattary bolmaǵan. Soǵan qaramastan, jaldanyp jumys isteýge táýekel etken. Nátıjesinde ary taza emes adamnyń qolyna túsken. Aqshasyz, qujatsyz qalǵan olar tegin jumys isteýge májbúr bolǵan.
Qazir atalǵan is boıynsha qylmystyq is qozǵaldy. Tergeý amaldary júrip jatyr.
