Qyzylordada ózbekstandyq azamat jol apatyna sebepker boldy
JALAǴASh. QazAqparat - Qyzylorda oblysy Jalaǵash aýdany aýmaǵynda jol-kólik oqıǵasy boldy. Jol boıynda eki kólik bir-birimen soqtyǵysyp qaldy, dep habarlaıdy QazAqparat tilshisi.
Jol-kólik oqıǵasy Jalaǵash aýdany Buqarbaı batyr aýylynyń tusynda oryn alǵan. Ózbekstan azamaty aıdap kele jatqan «Hyundai Porter» avtokóligi qarsy baǵytqa shyǵyp ketken. Saldarynan kólik ıesi Qyzylorda qalasy turǵyny minip kele jatqan «Volkswagen Crafter» avtokóligimen soqtyǵysyp qalǵan.
«Jol apatynan qaıtys bolǵandar joq. Zardap shekken bir azamat medıtsınalyq mekemege jetkizildi. Atalǵan derek boıynsha QR Qylmystyq Kodeksiniń 345-babynyń 2-bóligimensotqa deıingi tergep-tekserý amaldary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy jaǵdaıy kórsetilgen. Tıisti saraptamalar taǵaıyndaldy. Oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.
